Azərbaycanda sosial şura yaradılıb

Əməyin təhlükəsizliyinin təmin olunması vacibdir


2012-01-28 08:57:02

MDB-də ilk dəfə olaraq Azərbaycanda Əmək və Əhalinin Sosial Müdafiəsi Nazirliyi, Sahibkarların Milli Konfederasiyası və Həmkarlar İttifaqları Konfederasiyası arasında üçtərəfli sosial şura yaradılıb. Bu barədə jurnalistlərə əmək və əhalinin sosial müdafiəsi naziri Fizuli Ələkbərov "Sosial əməkdaşlıq: əməyin müdafiəsi, risklərin qiymətləndirilməsi və iş yerlərinin attestasiyası" mövzusunda nazirlikdə keçirilən konfransda bildirib.

Konfransın gedişində şuranın tərəfdaşları əməyin və sağlam əmək şəraitinin təhlükəsizliyinin təmin olunması üzrə Əmək Nazirliyi yanında Milli Sosial Şuranın yaradılması haqqında qərarı imzalayıblar. Həmçinin şuranın əsasnaməsi də təsdiqlənib.

"Əməyin təhlükəsizliyinin təmin olunması məsələsi qlobal problemdir və bu mənada Azərbaycan da istisna təşkil etmir. Ötən il 211 nəfər istehsalatda zədə alıb, 97 ölüm halı qeydə alınıb. Bu, cəmiyyət üçün əlavə sosial problemlər yaradır", - nazir deyib.

Onun sözlərinə görə, ölkədə yeni iş yerlərinin yaradılması [ötən il 100 minə yaxın iş yeri yaradılıb] bu riskləri artırır və ona görə də Azərbaycan üçün əməyin təhlükəsizliyinin təmin olunması vacibdir.

Bu problemin daha effektiv həlli üçün üçtərəfli sosial şuranın yaradılması haqqında qərar qəbul olunub. "Hələlik bu, yalnız ilk addımdır, lakin gələcəkdə şuraya ölkənin başqa nazirlikləri də daxil olacaq", - Ələkbərov bildirib.

Həmkarlar İttifaqları Konfederasiyasının sədri Səttar Mehbalıyevin sözlərinə görə, ötən il işçilərin hüquqlarının pozulması faktı üzrə 945 göstəriş təqdim olunub və istehsalatda təhlükəsizlik tələblərinin pozulmasına dair altı minə yaxın fakt qeydə alınıb.

O deyib ki, habelə ötən il ərzində bu göstəricinin ikiqat artması ilə yanaşı, 15 minə yaxın peşə xəstəlikləri faktı qeydə alınıb.





Bu yazı 14 dəfə oxunmuşdur.


LAYİHƏ



LAYİHƏNİN ADI: "Regionların sosial-iqtisadi inkişafının təşviq edilməsi"

Hacıqabulda gənc nəslin fiziki və mənəvi tərbiyəsinə xüsusi diqqət yetirilir






MÜSAHİBƏ



Paytaxtın rabitə sistemi özünün yeni intibah mərhələsini yaşayır

Beytulla Hüseynov: "Bu gün şəhərdaxili telefon danışıqlarında vaxt hesabı ödənişin tətbiq olunması nəzərdən keçirilmir"










ULDUZ FALI



Bu dövrdə iş yerinizdə bir çox ...



Ailənizdə xoşagəlməyən durumun ...



Ürəyinizlə bağlı problemlərin ...



Yeni tanışlarınızla münasibətdə ...



Məşğul olduğunuz işlərə ...



Başınız sevgi macərasına qarışacaq. ...



Sevgilinizin uğurları həm sizi, həm də ...



Qarşınıza maneələrin çıxması ...



Yeni sevgi romanınızın başlanması ...



Düşünülməmiş addımlar atmayın. ...



Hər hansı işinizlə bağlı ...



Həyata keçirdiyiniz plan özünüzə olan ...




ARXİV


HAVA



MƏZƏNNƏ



ÜNVAN


© Mövqe qəzeti, 2002-2011
Materiallardan istifadə
zamanı movqe.az linkinə
istinad vacibdir.

Baş redaktor:
Seymur SƏFƏRLİ

Redaktor:
Rasim BAYRAMOV