www.movqe.az

0:36, 23 Fevral 2012-cu il

Açılış səhifəsi edin

Seçılmışlərə əlavə edin

Əlaqə

Avtomobillərin gömrük rəsmiləşdirilməsi sadələşdirilib

"Hərbi qulluqçuların statusu haqqında" Qanuna dəyişikliklər ediləcək

İqtidar-müxalifət dialoqu yenə alınmır

ATƏT-in Bakı ofisi tərəfləri bir araya gətirmək üçün təklif gözləyir

2012-01-28 08:57:03

Siyasi gündəmdə müxtəlif vaxtlarda iqtidar düşərgəsini təmsil edənlər və onların opponentləri arasında dialoqun keçirilməsi zəruriliyi ilə bağlı fikirlər səslənsə də son bir neçə ildə bu xüsusda hansısa addım atılmayıb. Halbuki tərəflərdən hər biri masa arxasına əyləşməyə hazır olduqlarını bildiriblər.

Sonuncu dəfə 7 il əvvəl baş tutan dialoq isə ATƏT-in Bakı ofisinin vasitəçiliyi ilə baş tutmuşdu. Həmin vaxt baş tutan bir neçə belə görüşdə müxalifət, hakim və hakimiyyətyönlü partiyalar iştirak edib. Sonradan isə edilən müxtəlif cəhdlərə rəğmən, dialoqu davam etdirmək mümkün olmayıb.

Elə indi də sözügedən qurum növbəti dialoq üçün tərəflərin müraciətini gözlədiyini gizlətmir. Lakin ATƏT-in Bakı ofisinin rəhbəri, səfir Koray Tarqay bildirir ki, Azərbaycan müxalifəti və iqtidarı arasında dialoqun aparılmasında hələlik hər hansı yenilik yoxdur: "Dialoqun aparılması üçün nə müxalifət, nə də iqtidar tərəfi ATƏT-in Bakı ofisinə müraciət etməyib. Əgər iki tərəfdən müraciət olsa, bu dialoqu təşkil etməyə hazırıq. ATƏT-in Bakı ofisi Azərbaycan hökuməti, siyasi partiyalar və vətəndaş cəmiyyəti təmsilçiləri ilə səmərəli əməkdaşlıq qurub. Bu, ölkənin ATƏT qarşısında götürdüyü öhdəliklərin yerinə yetirilməsi baxımından çox əhəmiyyətlidir. Mən Azərbaycan hökuməti və vətəndaş cəmiyyəti üzvlərinin ATƏT-in üç prinsip üzrə göstərdiyi bütün səyləri dəstəkləyirəm".

Diplomat söyləyib ki, Azərbaycan hökuməti ilə ATƏT-in Bakı ofisi arasında əlaqələr yüksək səviyyədədir, qanunun aliliyi, insan haqları və iqtisadi münasibətlərə dair əməkdaşlıq mövcuddur: "Qanunun aliliyinin, insan haqlarının qorunması və demokratiya sahəsində vəziyyətin yaxşılaşdırılması üçün Azərbaycan hökuməti əlindən gələni edir. Təbii ki, bu prinsiplərə birdən-birə nail olmaq asan iş deyil. Bu baxımdan Azərbaycana vaxt lazımdır. Azərbaycanda bəzi sahələrdə yaxşı nəticələrin əldə olunması üçün görülən işləri sürətləndirmək lazımdır. ATƏT bununla bağlı Azərbaycan ilə yaxından əməkdaşlıq edir. Biz Azərbaycan hökuməti ilə əməkdaşlığımızdan məmnunuq".

Dialoqa gəlincə, ATƏT-in Bakı ofisi bildirir ki, bunun üçün tərəflərdən hansısa birinin onlara müraciət etməsi zəruridir. Çünki ATƏT dialoqun baş tutması üçün tərəf kimi iştirak etmir. Sadəcə, tərəfləri bir masa arxasında toplamağa, münasibətləri qurmağa zəmin yaradır.

Mövcud vəziyyətin təhlili isə göstərir ki, son illərdə irəli sürülən təşəbbüslərə baxmayaraq, dialoqun baş tutmamasının əsas səbəbi daha çox müxalifət düşərgəsində baş verənlərlə bağlıdır. İndi heç kimə sirr deyil ki, bu düşərgədə kifayət qədər müxtəlif qüvvələr təmsil olunur. Digər tərəfdən, konkret olaraq kimin müxalifət adına iddia etməsilə də bağlı bu düşərgədə yer alan qüvvələrin özləri arasında fikir ayrılıqları mövcuddur. Bu səbəbdən iqtidarın konkret olaraq kimlərlə masa arxasına əyləşməsinin müəyyən olunması indi olduqca çətin məsələ sayıla bilər. Daha bir önəmli faktor isə ötən dövr ərzində müxalifətin əhəmiyyətli dərəcədə zəifləməsi, elektoratının böyük əksəriyyətini itirməsidir. Danılmaz həqiqətdir ki, artıq ölkə müxalifətinin baş verən ictimai-siyasi hadisələrə təsir imkanları yoxdur. Əksinə, siyasi arenanın bu düşərgəsində yaşanan daxili çəkişmələr müxalifəti daha sürətlə sıradan çıxarır. Bu səbəbdən, iqtidarın müxalifətlə dialoqa hər hansı maraq nümayiş etdirməməsi tam təbii sayıla bilər.

Hesab olunur ki, proseslər indiki məcrada davam edərsə, yaxın perspektivdə iqtidar və müxalifət arasında dialoqun keçirilməsini gözləməyə dəyməz. Bundan başqa, o da həqiqətdir ki, dialoq üçün həm də tərəflər müəyyənləşməlidir. Yuxarıda qeyd olunduğu kimi isə iqtidar bəlli olduğu halda müxalifətin tərkibi geniş və çoxşaxəlidir. Hakim düşərgədə həm də hesab edilir ki, dialoq ümumi bir atmosfer, münasibətlər toplusu və siyasi mədəniyyətdir və bu kontekstdə də Azərbaycanda siyasi dialoq var. Hesab edilir ki, parlamentdəki müxalifətlə təmaslar, həmçinin mətbuat səhifələrində, televiziyada, ayrı-ayrı tədbirlərdə bu dialoq baş verir. Bununla belə o da qeyd edilir ki, ayrıca görüşüb, hansısa məsələni müzakirə etmək həmişə mümkündür.

Onu da xatırladaq ki, hakim düşərgə, dialoqla yanaşı, müxalifət liderləri ilə debatların keçirilməsi üçün təkliflər səsləndirdiyini, lakin buna müxaliflər tərəfindən müsbət cavab verilmədiyini bildirir. Bu xüsusda hələ ötən ilin sonlarında YAP-çı millət vəkili Siyavuş Novruzovun maraqlı açıqlamaları olub. O, debat üçün konkret şəxslərin adını çəksə də, hələ də müsbət cavab almadığını bildirib: "Mənim çağırışımda əsas istiqamət odur ki, Əli Kərimli və ya İsa Qəmbər gəlsin, çıxaq debata, onlarla istənilən mövzu ətrafında danışmağa hazıram. Yoxsa onların yan-yörəsindəki adamlarla danışmağa ehtiyac da yoxdur. Dünənə qədər Milli Məclisdə Pənah Hüseynin köməkçisi olan biri indi gəlib İsa Qəmbərin müavini olub. Pənah Hüseynin köməkçisi olmuş bir adam gəlib mənimlə nə debata çıxacaq?! Yaxud Əvəz Temirxan. Qoy partiyasında üç nəfər adamın adını saysın, ondan sonra "debat" desin. Bilirsiniz, Azərbaycanda "Siyasi partiyalar haqqında" Qanunun qəbuluna böyük ehtiyac var ki, cəmiyyət bu cür ünsürlərdən təmizlənsin.

Azərbaycanda 7-8 siyasi partiya olmalıdır, bu partiyalara da nümunəvi şəxslər rəhbərlik etməlidir ki, camaat da onlara inansın. Haqqında danışdığım adamların ən böyük problemi ondan ibarətdir ki, ətrafındakı adamların hamısı tör-töküntüdür. 8-10 partiyanı gəzib, fırlanıb gələn, cəmiyyətdə heç bir mövqe qazanmayan insanlardır".

Səməd CƏFƏROV

Bu yazı 24 dəfə oxunmuşdur.

XƏBƏR LENTİ

22 Fevral 2012

17:57 Obama Netanyahu ilə İranı məsələsini danışıb

17:38 Ombudsman beynəlxalq təşkilatlara bəyanat ünvanlayıb

16:57 Sabah Bakıda “Sabahın alimləri” seçiləcək

16:42 Türkiyə parlamentinin Xarici İşlər Komissiyası Xocalı faciəsi ilə bağlı bəyanat qəbul edib

16:22 Dövlət qulluqçusu statusu yaş senzi ilə əlaqədar olaraq çıxarılan müəllimlərə də şamil ediləcək

15:59 Ekologiya və Təbii Sərvətlər Nazirliyi Kür və Araz transsərhəd çaylarında monitorinq keçirib

15:25 “Müsəlmanlar üçün etdiklərini təqdir edirik”

14:56 Moskvada Azərbaycan və Ermənistan ziyalılarının görüşü başa çatıb

13:26 ABŞ dövlət katibinin köməkçisi: “Belə faciəvi vəziyyətdə status-kvo qəbuledilməzdir”

12:46 Ermənistan və işğal olunmuş Azərbaycan ərazilərindəki separatçı rejim tərəfindən 1994-cü ilədək 373 terror aktı törədilib

12:13 Rio Karnavalında Möhtəşəm Göstərilər - fotolar

11:50 Bakı Metropoliteni tender elan edib

11:34 Bu günə gözlənilən hava şəraiti

11:22 2 milyon 32 min 744 hektarı isə bələdiyyələrin mülkiyyətinə verilib

10:57 Bakıda nəhəng idman qurğuları, olimpiya kəndi - FOTOLENT

10:37 Xocalının işğalı Azərbaycana 170 milyon dollar ziyan vurub

21 Fevral 2012

20:38 İran yenidən Azərbaycana nota verib

20:34 «Sepah» və «Hizbullah»ın terrorçuları Azərbaycanda yaxalandı

20:07 Azərbaycanda məscid yanıb

19:49 İRANDA İSLAHATÇI JURNALİSTƏ 5 İL HƏBS VERİLİB

17:56 Pakistanda qadına qarşı tətbiq edilən güc cinayət sayılacaq

17:41 DSX təkzib etdi: İran vertolyotu sərhədimizi pozmayıb

17:19 Azərbaycanın paytaxtının seysmik risk xəritəsi hazırlanacaq

16:47 ABŞ "Quran"ı yandırdı

16:27 Avropa Birliyi Suriyaya yeni sanksiyalar tətbiq edəcək

16:03 Daxili İşlər Nazirliyində yeni təyinatlar

14:56 Ermənistanın müdafiə nazirindən əcaib qərar

15:27 "Ərəb Baharı"nın son zəfəri

15:13 Azərbaycan, Türkiyə və İran xarici işlər nazirlərinin görüşü növbəti dəfə təxirə salınıb

14:56 “Xocalı soyqırımını törədənlərin ifşası istiqamətində ciddi nailiyyətlər əldə edəcəyik”

arxiv

VİDEO

"Eurovision" qələbəmiz Azərbaycanı bütün dünyaya tanıtmaqda davam edir VIDEO

FOTOQALEREYA

RƏSMİ

Prezident şahzadə ilə görüşüb

Dövlət Gömrük Komitəsinin Akademiyası yaradılacaq

Soçidə növbəti Qarabağ bəyanatı qəbul olundu

Prezident Gürcüstan parlamentinin sədr müavinini qəbul edib

"Bölgənin ən güclü ordusuna malikik"

Prezident Dövlət Bayrağı Meydanında olub

MARAQ DAİRƏSİ

"Axirət səsləri" haradan gəlir?
Son vaxtlar dünyanın müxtəlif tərəflərindən səmadan gələn qəribə səs haqqında çoxlu sayda məlumatlar daxil olur. Bəzən bu səs vəhşi heyvanın nəriltisini, bəzi vaxtlar isə

Qədim türklərin daha bir nəvəsi tapıldı
Amerikalı və rus antropoloqların apardıqları araşdırmaların nəticələrinə görə, Şimali Amerikanın əzəli sakinləri olan hinduların əcdadları Sibirin cənubundakı Altaydan oralara

BMT-dən 2 kisə kokain çıxdı
Birləşmiş Millətlər Təşkilatının (BMT) Nyu-Yorkdakı mənzil-qərargahına gələn baratların arasından içində 16 kiloqram kokain olan 2 kiçik kisə çıxıb. Üzərilərinə