news Image
2016.05.19
10:00
| A A A
Günün qoroskopu: çox danışmayın, qulaq asın

Qoç - bu günün emosional fonu müsbətdir, əhvalınız yaxşıdır, hətta ən ağır anlarda da nikbinliyi itirmirsiniz. Yeni tanışlıqlar asan başa gəlir, işgüzar danışıqlar məhsuldar alınır. Sizin qarşınızda geniş imkanlar açılır. Öz gücünüzə şübhə etməməlisiniz.


Buğa - günün birinci yarısını mühüm işlərə, ikinci yarısını isə ikinci dərəcəli işlərə həsr etsəniz, yaxşıdır. Təcrübəli həmkarlarınızın tövsiyələrinə bel bağlaya bilərsiniz. Siz başqalarının səhvlərindən öyrənirsiniz, özünüz səhv etmirsiniz.


Əkizlər - gün maliyyə cəhətdən yaxşıdır. İstədiyiniz qədər pul xərcləyə bilərsiniz. Ev əşyaları, paltar, kosmetika və parfümeriya əşyaları ala bilərsiniz. Axşam romantik görüşlər üçün münasibdir.


Xərçəng - sənədlərin qeydiyyatı ilə məşğul ola və dövlət idarələrini ziyarət edə bilərsiniz. Köhnə münaqişələrin və hüquqi məsələlərin həlli üçün uğurlu bir gündür. Bürcün tənha nümayəndələrini maraqlı tanışlıqlar gözləyir.


Şir - vacib işlərə diqqəti cəlb etmək üçün sakit bir gündür. Uğurlarınız göstərdiyiniz səylərə bərabərdir. Bu səbəbdən taleyin ədalətsizliyindən şikayət etməyəcəksiniz. Ola bilər ki, vacib informasiya əldə edəsiniz və bunun vasitəsilə rəqiblərinizi zərərsizləşdirəsiniz.


Qız - çətin tapşırıqlardan qorxmayın, bu gün həmin tapşırıqların öhdəsindən gəlmək çətin olmayacaq. Rəqibləriniz görülməyən bacarıq nümayiş etdirsələr belə, siz asanlıqla onlardan öndə olmağı bacaracaqsınız. Nüfuzlu bir insanın dəstəyindən də istifadə edə bilərsiniz. Sadəcə olaraq, özünüzü təbii aparın və ətrafdakılarda müsbət təəssüratlar yaratmağa çalışın.


Tərəzi - bu gün həm sınaqlar, həm də qalibiyyətlərlə yadda qalacaq. Əsas odur ki, düzgün istiqamət tutasınız və uğura olan inamınızı itirməyəsiniz. Çox işləməli olacaqsınız, ancaq buna dəyəcək. Bu gün şəxsi və iş münasibətlərinin qurulması üçün də uyğundur. Səmimilik və öz fikrinizin nümayişində açıqlıq tələb olunur.


Əqrəb - gün maraqlı, lakin xeyri olmayan tanışlıqlarla da bağlıdır. Mükəmməl yumor hissiniz düşdüyünüz çətin vəziyyətlərdən çıxmaqda sizə yardımçı olacaq. Səmimi münasibətlər yaxınlarınızla əlaqələrinizin qorunmasına kömək olacaq.


Oxatan - yaranan problemlər sizi qorxutmur. Səy göstərmək tələb olunsa da, həmin probemləri həll edirsiniz. Sizin ən yaxşı köməkçiləriniz gənclər olacaq. onların ruh yüksəkliyi və nikbinliyi sizə də keçir. İşgüzar münasibətlər romantik münasibətlərə qədər yüksələ bilər.


Oğlaq - Vaxtında inadkarlıq göstərirsiniz, güclü və taktiki bir şəkildə öz maraqlarınızı qoruyursunuz. Nəinki münaqişələri yoluna qoymaq, həm də əvvəllər dil tapmadığınız adamlarla dil tapmaq asanlaşır. Uzun müddətli müqavilələr imzalamaq da mümkündür. Vacib layihələr icra edəcəyiniz adamlar da tapa bilərsiniz.


Dolça - siz çox danışırsınız, lakin öz sirlərinizi açmırsınız. Bu da qarşı cinsin nümayəndələrinin sizə qarşı marağını artırır. Romantik və davamı olan maraqlı tanışlıqlar da ola bilər.


Balıqlar - xoş və rahat bir gündür. İstənilən vəziyyətdə özünüzü rahat hiss edirsiniz. Nüfuzlu adamlarla söhbət zamanı da mənəvi tarazlığı itirmirsiniz. Gün imtahan, işgüzar görüşlər və iş yerinin dəyişdirilməsi üçün də uğurludur. Yeni işlərin qulpundan yapışa, əvvəl görmədiyiniz işlər görə bilərsiniz.


Milli.Az

Avqust ayının ən yaxşı futbolçusu

RUSLAN ABIŞOV
43%
DMİTRİ BEZOTOSNI
31%
CERARD PROQNİ
5%
FİLİP OZOBİÇ
21%
1019 səs