news Image
2012.04.03
21:58
| A A A
Elçin Əfəndiyevdən telekanallara sərt ittiham

Baş nazirin müavini Elçin Əfəndiyev Azərbaycan telekanallarındakı verilişlərin səviyyəsi ilə bağlı narahatlığını ifadə edib. APA-nın məlumatına görə, Azərbaycan Dövlət Televiziyası (AzTV) Qapalı Səhmdar Cəmiyyətində İlyas Əfəndiyevlə bağlı çəkilən "Ləyaqət hücrəsi"adlı filmin təqdimatında baş nazirin müavini bildirib ki, televiziya kanallarında bədii-estetik nəzarət olmalıdır: "Mən belə deyəndə bəzi qəzetlər yazırlar ki, Elçin senzuranın tərəfdarıdır. Bəli, mən bədii-estetik senzuranın tərəfdarıyam. Çünki Azərbaycanda bəzi televiziya kanallarında toyxana ilə mavi ekran arasında, laqqırtı ilə söhbət arasında fərq götürülüb. Bu, məndə çox narahatlıq yaradır". E. Əfəndiyev bu baxımdan AzTV-nin verilişlərini digər kanallara nümunə çəkib: "AzTV-də göstərilən verilişlər bugünkü Azərbaycan teleməkanı üçün xarakterik deyil. Hamı görür ki, indi hansı səviyyədə müğənniləri, oxuyanları, aşıqları efirə çıxarırlar. Bu, Azərbaycan mədəniyyətinə layiq olmayan faktdır".

Avqust ayının ən yaxşı futbolçusu

RUSLAN ABIŞOV
43%
DMİTRİ BEZOTOSNI
31%
CERARD PROQNİ
5%
FİLİP OZOBİÇ
21%
1019 səs