Misirdə qarşıdurmaların 3 minədək qurbanı var
Misir hakimiyyəti Qahirədə və bir sıra başqa
şəhərlərdə axşam saat 7-dən səhər saat 6-ya kimi komendant saatı
elan edib. Movqe.az-ın ANS
PRESS-ə istinadən verdiyi xəbərə görə, hakimiyyət rejimə itaət
etməyənlərin həbsxanaya düşəcəyini
bildirib. Daha öncə bildirilmişdi ki,
müvəqqəti hökumət ölkədə bir aylıq fövqəladə hal elan
edir. Misir səhiyyə nazirliyinin
məlumatına görə, bu gün baş vermiş toqquşmalarda 149 adam
öldürülüb, 1403 adam yaralanıb. Ən son
məlumata görə, prezident Məhəmməd Mursi tərəfdarlarının toplaşdığı
Rabia əl-Adaviya meydanı tamamilə hərbçilərin nəzarətinə
keçib. APA-nın MENA agentliyinə
istinadən verdiyi xəbərə görə, bunu ölkənin Daxili İşlər
Nazirliyindəki mənbə bildirib. Bu arada Avropa Birliyi Misirdəki zorakılığı pisləyir və tətbiq olunmuş
fövqəladə vəziyyətin ləğv edilməsini tələb edir. Trend-in RİA
Novostiyə istinadən verdiyi məlumata görə, AB-nin xarici siyasət
idarəsinin rəhbəri Ketrin Eşton bu barədə bəyanatla çıxış
edib. "Qahirədə və bütün Misirdə baş
vermiş zorakılığı ciddi şəkildə pisləyirəm. Mən təhlükəsizlik
orqanlarını dözümlü olmağa, müvəqqəti hökuməti isə ölkədəki
fövqəladə vəziyyəti ləğv etməyə çağırıram" - deyə o əlavə
edib.
Qeyd edək ki, Misirdə qarşıdurmaların 3 minədək qurbanı var. Hadisələr nəticəsində 43-ü polisi olmaqla, 278 nəfər həlak olub.