news Image
2012.05.30
21:45
| A A A
Misir Mərdanov məktəb rəhbərlərinə tapşırıqlar verdi
Məktəb rektorları və direktorları rəhbərlik etdikləri təhsil müəssisələrində baş verə biləcək hər bir neqativ hala görə məsuliyyət daşıyacaqlar

Azərbaycanın təhsil naziri Misir Mərdanov ali və orta ixtisas təhsili müəssisələrində imtahan sessiyasının təşkili və keçirilməsi ilə bağlı məktəb rəhbərlərinə tapşırıqlar verib. Təhsil Nazirliyindən verilən məlumata görə, ali və orta ixtisas təhsili müəssisələrində 2011/2012-ci tədris ilinin yaz semestrinin imtahan sessiyasında tələbələrin biliyinin qiymətləndirilməsində şəffaflığı və obyektivliyi təmin etmək, yarana biləcək neqativ halları aradan qaldırmaq üçün məktəb rəhbərləri imtahan sessiyasının mövcud normativ sənədlər əsasında təşkil olunmasını təmin etməlidirlər. Rəhbərlik etdikləri təhsil müəssisələrində imtahan qərargahı və "Qaynar xətt" yaratmalıdırlar.

Məktəb rəhbərləri qərargaha və "Qaynar xətt"ə daxil olan hər bir şikayət barədə nazirliyin "Qaynar xətt" xidmətinə operativ məlumat verilməsini, imtahan sessiyasında şəffaflığı və ictimai nəzarətin gücləndirilməsini təmin etməlidirlər. İmtahanların təşkilində və gedişində nöqsanlara, neqativ hallara yol vermiş şəxslərə qarşı mövcud qanunvericiliyə uyğun tədbirlər görüləcək.

Məktəb rektorları və direktorları rəhbərlik etdikləri təhsil müəssisələrində baş verə biləcək hər bir neqativ hala görə məsuliyyət daşıyacaqlar.

Avqust ayının ən yaxşı futbolçusu

RUSLAN ABIŞOV
43%
DMİTRİ BEZOTOSNI
31%
CERARD PROQNİ
5%
FİLİP OZOBİÇ
21%
1019 səs