news Image
2012.04.07
12:37
| A A A
Mətbuat Şurasında üç qəzetə tövsiyə verildi
MŞ-nin Şikayətlər üzrə Komissiyasının iclası keçirilib

Dünən Azərbaycan Mətbuat Şurası Şikayətlər üzrə Komissiyasının növbəti iclası keçirilib. sədrinin müavini, Jurnalistlərin Həmkarlar İttifaqının sədri Müşfiq Ələsgərlinin başçılıq etdiyi komissiyanın üzvləri gündəliyə üç məsələ barədə müzakirələrin salınması razılığına gəliblər.

Əvvəlcə "Ehtiyatda istefada olan zabitlər" İctimai Birliyinin sədri, polkovnik-leytenant Yaşar Cəfərlinin "Hüriyyət" qəzetində onun barəsində gedən yazı ilə əlaqədar müraciətinə baxılıb. İclasda şikayət doğuran materialda qarşı tərəf haqqında bir sıra kəskin ittihamların yer alması, balansın gözlənilmədiyi nəşr təmsilçisinin nəzərinə çatdırılıb. Qəzetin redaktoru Zülfüqar Hüseynzadə iradlarla qismən razılaşdığını, qarşı tərəfin münasibətinin öyrənilməsinə yönələn cəhdlərin uğursuz nəticələndiyini desə bildirilib ki, yazıda bu barədə məlumat yoxdur. Bu isə məqalədə "Azərbaycan Jurnalistlərin Peşə Davranışı Qaydaları"nın "Həqiqətə xidmət, dəqiqlik obyektivlik" adlı 1-ci prinsipinin 1.2 bəndinin "jurnalist hazırladığı yazıda tənqid obyektinin mövqeyini öyrənib bildirməlidir. Bu, mümkün olmadıqda, tənqid obyekti tələb edərsə, öz fikirlərini çatdırmağa çox qısa vaxtda ona şərait yaradılmalıdır. Plüralizm prinsipinə əməl edilməlidir" tələbinin pozulması ilə nəticələnib.

Azərbaycan Respublikasının Baş Prokurorluğunun "Yeni Müsavat" qəzetinin bu ilki saylarında gedən "Prokurorluğun 250 işçisinə atıblar" (20 fevral), "Qalmaqallı prokuror oğlu barədə ilginc xəbərlər" (3 mart), "Prokurorlar pul axtarır" (13 mart) sərlövhəli yazılarla əlaqədar müraciətinin müzakirəsi zamanı balansın gözlənilməməsini, lazımi araşdırmaların aparılmamasının yanlışlıqlara gətirib çıxardığı, hədəf kimi götürülən şəxs barədə aşağılayıcı fikirlərin yayımlandığı mətbu nəşr nümayəndəsinin nəzərinə çatdırılıb. Qəzetə tövsiyə olunub ki, bu sayaq mövzuların təqdimatında etik prinsiplərin tələblərinin gözlənilməsinə diqqətlə yanaşsın. Qəzetin hüquqşünası Vasif Hüseynov iradları qəbul edib məsələ bitmiş sayılıb.

Professor Rafiq Əliyevin "Səs" qəzetinin 11 fevral 2012-ci il tarixli sayında dərc olunmuş yazı barədə müraciətinin müzakirəsi zamanı mətbu nəşrin AJPDQ-ninbir sıra bəndlərinin tələblərini pozduğu müəyyənləşdirilib. Bildirilib ki, köşə yazısında faktlar dəqiqləşdirilmədən təqdim olunub. Həmçinin yazıda adıçəkilən tanınmış ziyalı haqqında təhqiramiz ifadələr yer alıb. Komissiya üzvləri bunları etik prinsiplərə zidd hallar kimi dəyərləndiriblər. Qəzetə gələcəkdə belə yanlışlıqlara yol verməməsi tövsiyə edilib.


Avqust ayının ən yaxşı futbolçusu

RUSLAN ABIŞOV
43%
DMİTRİ BEZOTOSNI
31%
CERARD PROQNİ
5%
FİLİP OZOBİÇ
21%
1019 səs