news Image
2012.07.06
08:00
| A A A
Azərbaycanda minalardan 520 nəfər həlak olub
"Daşqın baş verən rayonlarda 1500-dən çox evin bərpa-gücləndirilmə işlərinə vəsait ayrılıb"

Azərbaycanda bu günədək minalardan 1840 nəfər zərər çəkib, 520 nəfər həlak olub. Bunu baş nazirin müavini Abid Şərifov Azərbaycan-NATO əməkdaşlığı çərçivəsində Ceyrançöl layihəsinin təqdimatında bildirib.

O deyib ki, mina və sursatların ən çox təhlükəli olduğu yer Gürcüstan sərhəddində olan Ceyrançöl ərazisidir. Ceyrançöl layihəsi 3,9 mln avrodur, bu məbləğin yarısı Azərbaycan hökuməti tərəfindən maliyyələşdirilir. Onun sözlərinə görə, başa çatan Saloğlu layihəsi NATO tərəfindən dəstəklənib və Azərbaycan üçün böyük əhəmiyyət daşıyır. Bu layihə çərçivəsində çoxsaylı insanlara həyat bəxş edilib. Hazırda həmin torpaqlardan istifadə edərək minlərlə insanlar iş tapıblar.

Abid Şərifov bildirib ki, Azərbaycanda Kür çayı ətrafı daşqın baş verən rayonlarda 1500-dən çox evin bərpa-gücləndirilmə işlərinə vəsait ayrılıb.

Onun sözlərinə görə, yaxınlarda bu məsələ həll olunub və bir ay ərzində oradakı vətəndaşlara Fövqəladə Hallar Nazirliyi tərəfindən həmin vəsait ödəniləcək.

"Eyni zamanda, 700-dən çox evin tikilməsinə də vəsait ayrılıb və hesab edirəm ki, bu ərazidə müvafiq layihələr davamlı şəkildə həyata keçiriləcək", - Şərifov deyib.


Avqust ayının ən yaxşı futbolçusu

RUSLAN ABIŞOV
43%
DMİTRİ BEZOTOSNI
31%
CERARD PROQNİ
5%
FİLİP OZOBİÇ
21%
1019 səs