news Image
2014.07.18
18:33
| A A A
Milli Məclisin deputatı Ağrı dağının zirvəsinə yürüş edib

Ümummilli lider Heydər Əliyevin respublikada siyasi hakimiyyətə gəlişinin 45-ci ildönümü münasibətilə Milli Məclisin deputatı, Azərbaycan Kikboksinq Federasiyasının prezidenti Adil Əliyev Ağrı dağının zirvəsinə qalxmışdır. Yürüşdə millət vəkili ilə yanaşı, Avrasiya İqtisadi Əlaqələr Dərnəyinin sədri, "EkoAvrasiya" jurnalının baş redaktoru Hikmət Eren də iştirak etmişdir.

Türkiyənin nüfuzlu "Milliyyət" qəzetinə açıqlama verən Milli Məclisin deputatı Adil Əliyev bildirmişdir ki, türk dünyasının dahi şəxsiyyəti Heydər Əliyevin xatirəsinə ehtiram əlaməti olaraq təşkil edilmiş yürüş mühüm siyasi əhəmiyyətə malikdir. Ağrı Dağın türk dünyası üçün birlik və həmrəylik rəmzi olduğunu vurğulayan Adil Əliyev demişdir: "Bu dağın türk dünyası üçün xüsusi önəmi var. Yüz ildən çoxdur ki, ermənilər bu dağa iddia irəli sürürlər. Bir neçə il bundan əvvəl Ermənistan prezidenti Serj Sərkisyanın erməni gənclərinə bu dağı "almaq tövsiyəsi"nə ən yaxşı cavabı Prezident İlham Əliyev Türkiyənin Baş naziri Rəcəb Təyyub Ərdoğanla görüşündə vermişdi. Möhtərəm Prezident bəyan etmişdi ki, bu məkrli və əsassız iddia Ermənistan rəhbərliyinin işğalçı mahiyyətini bir daha ortaya qoyur. Şübhəsiz ki, bu, işğalçı dövlətin başçısına tutarlı cavab idi".

Türkiyənin digər qəzetləri də bu məsələyə geniş yer vermiş, A.Əliyevin Ağrı dağının zirvəsini fəth edən ilk azərbaycanlı millət vəkili olduğu qeyd edilmişdir.


Avqust ayının ən yaxşı futbolçusu

RUSLAN ABIŞOV
43%
DMİTRİ BEZOTOSNI
31%
CERARD PROQNİ
5%
FİLİP OZOBİÇ
21%
1019 səs