news Image
2012.04.13
12:38
| A A A
35 jurnalist qətlə yetirilib
Beynəlxalq Mətbuat İnstitutunun rəsmiləri narahatdır Livan, Somali və İndoneziyada üç jurnalistin öldürülməsi ilə 2012-ci ildə qətlə yetirilmiş jurnalistlərin sayı 35-ə çatıb. Bu barədə Beynəlxalq Mətbuat İnstitutunun (BMİ) Azərbaycan Milli Komitəsinin rəhbəri Umud Rəhimoğlu BMİ-nin Vyanadakı baş ofisinə istinadən məlumat verib.
BMİ-nin builki açıqlamasına görə, eyni şəraitdə - ezamiyyət zamanı ötən il də 23 jurnalist öldürülüb. Ümumilikdə isə 2011-ci ildə 102 jurnalist qətlə yetirilib. BMİ-nin statistika apardığı tarix ərzində bu rəqəmi yalnız 2009-cu ilin göstəriciləri üstələyir. 2009-cu ildə 110 jurnalist öldürülüb ki, bunlardan 24-ü 10 aprel tarixindən əvvələ təsadüf edir. BMİ-nin icraçı direktoru Alison Makkenzi bildirib ki, medianın yaxın tarixi ərzində ilin başlanğıcında bu qədər ölüm hallarına rast gəlməyiblər. Xanım Makkenzi demokratik hərəkat dünyada daha geniş vüsət aldıqca, jurnalistlərə qarşı hücumların da artdığını deyib.
Digər BMİ rəsmiləri də jurnalistlərə qarşı artan hücumları pisləyən bəyanatlarla çıxış ediblər.
Qətlə yetirilən jurnalistlərin ailələrinə, yaxınlarına başsağlığı verən BMİ rəsmiləri bu il media üçün pis başlanğıc olsa da, vəziyyətin dəyişməsinin hələ də mümkün olduğunu vurğulayıblar. Onlar milli hökumətləri jurnalistlərə qarşı olan bu cinayətlərə son qoymaq üçün bütün zəruri tədbirləri görməyə çağırıblar.

Avqust ayının ən yaxşı futbolçusu

RUSLAN ABIŞOV
43%
DMİTRİ BEZOTOSNI
31%
CERARD PROQNİ
5%
FİLİP OZOBİÇ
21%
1019 səs