news Image
2012.10.09
07:36
| A A A
Azərbaycanda güclü zəlzələlərin baş verməsi ehtimalı böyükdür
Azərbaycanda güclü zəlzələlərin baş verməsi ehtimalı böyükdür “Bu seysmoaktiv bölgəyə xas olan bir haldır”

Azərbaycan seysmoaktiv bölgədə yerləşdiyindən burada güclü zəlzələlər baş verir. Bu sözləri Respublika Seysmoloji Xidmət Mərkəzinin Seysmologiya şöbəsinin müdiri Tahir Məmmədli jurnalistlərə açıqlamasında bildirib. Onun sözlərinə görə, Azərbaycanda ildə 1000-ə yaxın zəlzələ qeydə alınır və onların içərisində bəzən hiss olunan güclü zəlzələlər də olmalıdır. "Bu seysmoaktiv bölgəyə xas olan bir haldır. Burada qeyri-adi heç nə yoxdur. Amma Azərbaycanda güclü zəlzələnin baş verməsi ehtimalı böyükdür. Vaxtını isə heç kim, o cümlədən biz də deyə bilmərik. Ümumiyyətlə, dünyada heç kim zəlzələnin vaxtını əvvəldən deyə bilməz", – deyə T.Məmmədli bildirib.

Şöbə müdiri Şamaxı, İsmayıllı, Zaqatala, Lənkəran, Xəzər dənizi və digər bölgələrdə güclü zəlzələlərin başvermə ehtimalının olduğunu söyləyib: "Həmin ərazilərdə bundan öncə də baş verib və gələcəkdə də güclü zəlzələlər olacaq".