news Image
2012.11.16
07:54
| A A A
«Bölgələrdə soyuducu anbarlardan istifadənin səmərəliliyi araşdırılmalıdır»
«Çox təəssüf ki, həmin rayon və şəhərlərdəki meyvə-tərəvəz nə şəhərə gətirilir, nə satılır, yem kimi mal-qaraya verilir»

Azərbaycanın regionlarındainşa olunan soyuducu anbarlar ilə əməkdaşlıq bəzi hallarda kiçik sahibkarlar üçün səmərəli deyil. Bunu Milli Məclisinin sədri Oqtay Əsədov parlamentin plenar iclasında bildirib. İclasda iştirak edən iqtisadi inkişaf nazirinin müavini Sevinc Həsənovaya müraciət edən O.Əsədov meyvə-tərəvəz bazarındakı vəziyyəti xatırladıb və dövlət xətti ilə sahibkarlara ayrılan güzəştli kreditlər hesabına inşa olunan soyuducu anbarlardakı qiymətlərlə maraqlanmağı məsləhət görüb. Spiker bu soyuducuların səmərəli işləməsinin vacib olduğunu bildirib. Onun sözlərinə görə, 2-3 hektar sahəsi olan kiçik sahibkarların bu soyuduculardan istifadəsi imkanları araşdırılmalıdır: "Çox təəssüf ki, həmin rayon və şəhərlərdəki meyvə-tərəvəz nə şəhərə gətirilir, nə satılır, yem kimi mal-qaraya verilir. Bunun qarşısını almaq vacibdir".

Avqust ayının ən yaxşı futbolçusu

RUSLAN ABIŞOV
43%
DMİTRİ BEZOTOSNI
31%
CERARD PROQNİ
5%
FİLİP OZOBİÇ
21%
1019 səs