Azərbaycan duelində sevinən tərəf Hidayət oldu
Bakı-2017 IV İslam Həmrəyliyi Oyunlarında cüdo yarışlarında final görüşləri davam edir.
Movqe.az-ın Goal.az-a istinadla məlumatına görə, 73 kq kişilərin finalında Azərbaycan dueli olub. Son Avropa çempionu Hidayət Heydərovla Rio olimpiadasının gümüş medalçısı Rüstəm Orucov üz-üzə gəlib.
Rəqibini ipponla məğlub edən Hidayət Avropa çempionatının ardınca, İslam Oyunlarının da qalibi olub.
Bununla da cüdo yığmamızın aktivindəki medalların sayı 8-ə çatıb - 4 qızıl, 4 gümüş.