Azərbaycan Premyer Liqasının II tur matçında "Qəbələ" doğma meydanda "Sumqayıt"a qalib gəlib 1-0.

Movqe.az goal.az-a istinadən  xəbər verir ki, meydan sahiblərinin qələbə qolunun müəllifi Tellur Mütəllimov oyunla bağlı fikirlərini bölüşüb: 

"Qələbədə payım olduğu üçün çox sevinirəm. Bu mövsüm ilk oyunum idi. Bundan sonra da fürsətlərdən istifadə etməyə çalışacağam. Zədəyə görə bir qədər geri qaldığımı da vurğulamalıyam. Çempionat yeni başlayıb, bizi uzun marafon gözləyir. Çox çətin keçəcək. Komandaların hamısı güclüdür. Ötən il belə deyildi, bir neçə zəif klub vardı. Bu il isə hamı başağrısı olacaq".