2018-ci ildə Rusiyada keçiriləcək futbol üzrə dünya çempionatına vəsiqə qazanan sonuncu – 32-ci komanda da məlum olub.

Movqe.az-ın məlumatına görə, pley-off mərhələsində doğma meydanda Yeni Zelandiyanı qəbul edən Peru 2:0 hesabı ilə (ilk oyun 0:0) qələbə qazanaraq DÇ-nin final mərhələsinə yüksəlib.

Qeyd edək ki, Peru mundialda sonuncu dəfə 1982-ci ildə iştirak edib.

Beləliklə, DÇ-2018-də mübarizə aparacaq yığmalar aşağıdakılardır:

Rusiya, Almaniya, İngiltərə, Belçika, İslandiya, İspaniya, Polşa, Portuqaliya, Serbiya, Fransa, İsveçrə, Xorvatiya, İsveç, Danimarka, Braziliya, Kolumbiya, Uruqvay, Argentina, İran, Yaponiya, Koreya Respublikası, Səudiyyə Ərəbistanı, Nigeriya, Misir, Seneqal, Mərakeş, Tunis, Meksika, Kosta-Rika, Panama, Avstraliya, Peru