Real-ın yarımmüdafiəçisi Luka Modriç "kral klubun"dan ayrılacağı ilə bağlı söz-söhbətlərə münasibət bildirib.Movqe.az Goal.az-a istinadən xəbər verir ki, xorvatiyalı futbolçu yayılan məlumatları təkzib edib. "Qızıl top"un son sahibi Madriddə özünü xoşbəxt hiss etdiyini söyləyib:"Gələcəyimlə bağlı rahatam. Mənim Real-la hələ 18 aylıq müqaviləm var. Ancaq mən burada daha uzun müddət qalmaq istəyirəm. Real-da xoşbəxtəm və möhtəşəm azarkeşlərimizə daha çox sevinc bəxş etmək istəyirəm".Qeyd edək ki, 2012-ci ildən Real-da çıxış edən Modriçin uzun müddətdir İnter-ə keçəcəyi ilə bağlı xəbərlər dolaşır.