Əlaqə Arxiv
news Image
2012.06.21
12:51
| A A A
Konstitusiya Məhkəməsinin bir hakiminin yaşı qanunvericilikdə müəyyən edilmiş yaş senzindən yüksəkdir

Azərbaycan Konstitusiya Məhkəməsinin 9 hakimindən birinin yaşı qanunvericilikdə müəyyən edilmiş yaş senzindən yüksəkdir. Trend-in Konstitusiya Məhkəməsinin rəsmi internet saytına istinadən verdiyi məlumata görə, hakim Fikrət Babayevin 74 yaşı var.

Qeyd edək ki, "Konstitusiya Məhkəməsi haqqında" qanununa edilən son dəyişikliyə əsasən, Konstitusiya Məhkəməsi hakiminin vəzifədə olmasının yaş həddi 70 yaşdır.

Konstitusiya Məhkəməsinin 70 yaşına çatmış hakimi Konstitusiya Məhkəməsinin yeni hakimi təyin olunanadək vəzifələrini icra etməyə davam edir.

Babayev 1939-cu il təvəllüdlüdür. O, 1998-ci ildə Milli Məclisin qərarı ilə Konstitusiya Məhkəməsinin hakimi vəzifəsinə təyin olunub. O, Prezidentin fərmanı ilə 2003-cü ildə "Tərəqqi" medalı ilə təltif olunub.

Sizin Reklam Yeriniz