"Arsenal" klubunun müdafiəçisi Bakari Sanya yeni mövsümdə də karyerasını İngiltərə Premyer Liqasında davam etdirəcək.

Movqe.az-ın Qol.Az-a istinadən verdiyi məlumata görə, fransız futbolçu mövsümün sonunda "Çelsi" və "Mançester Siti" komandaları arasında seçim etməli olacaq.

"Arsenal"la müqaviləsi başa çatacaq 31 yaşlı futbolçu ilə "İnter" və "Qalatasaray" klubları da yaxından maraqlanır. Lakin Sanyanın İngiltərədə qalmaq istədiyi bildirilir.

Qeyd edək ki, Fransa millisinin üzvü 2007-ci ildə "Oser"dən "Arsenal"a transfer olunub.