"Klubun səhmlərinin 75 faiz hissəsi bir neçə ay ərzində Çin şirkətinə satılacaq. Movqe.az saytı İtaliya mətbuatına istinadən xəbər verir ki, bu açıqlamanı "Milan"ın prezidenti Silvio Berluskoni verib.

Onun sözlərinə görə, həmin şirkət paytaxt Pekində fəaliyyət göstərən köklü şirkətlərdən sayılır. Məlumata görə, klubun sahibi bununla da, 1.5 milyard avroya sahib olacaq.

Qeyd edək ki, "Milan" hazırda İtaliya çempionatında 38 xalla 8-ci pillədə qərarlaşıb.