Azərbaycanlı idmançı Bəxtiyar Arzumanov Volqoqradda keçirilən IV Döyüş Sənəti festivalının 70 kq çəki dərəcəsində qalibi olub.

APA-nın Dağıstandakı müxbirinin verdiyi xəbərə görə, bu  yarışma ikinci dünya müharibəsində Stalinqrad uğurunda aparılan həlledici döyüşün 70 illiyinə həsr olunub. Volqoqradın idman sarayında MMA versiyası qaydaları ilə keçirilən super döyüşdə  ProFC, М-1 və М-1 Challenge turnirlərinin iştirakçısı və qalibi olan Arzumanov və onun prinsipial rəqibi rusiyalı Said-Xamzat Avxadov qarşılaşıblar. Azərbaycanlı idmançı döyüşün ikinci raundunda boğucu fəndlə qalib gəlib.