Avropa çempionatının daha 3 iştirakçısı Azərbaycanda
Bakıda keçiriləcək 17 yaşadək futbolçular arasında Avropa çempionatının iştirakçıları Bakıya gəlməkdə davam edir.
Movqe.az goal.az-a istinadən xəbər verir ki, gecə saatlarında Hollandiya, Portuqaliya, Bosniya və Herseqovina yığmalarının yer aldığı təyyarə Heydər Əliyev adına Beynəlxalq Hava Limanına eniş edib.
Bununla da Bakıya gəlmiş yığmaların sayı 12-yə çatıb. Daha öncə Ukrayna, İngiltərə, Fransa, Almaniya, Belçika, Şotlandiya, İsveç, Avstriya, Danimarka paytaxta gəlib.
Digər 3 komanda - Serbiya, İtaliya və İspaniya da mayın 3-də Bakıda olacaq.
Qeyd edək ki, Avropa çempionatı 5 - 21 may tarixlərində keçiriləcək.