Bakıda idman gimnastikası üzrə dünya kuboku yarışı keçirilir.Startda kişi idmançılar sərbəst, paralel qollar və halqalarla hərəkətlərdə, qadınlar isə dayaqla tullanma və müxtəlif hündürlüklü qollarda hərəkətlərdə bacarıqlarını nümayiş etdiriblər. Azərbaycanın iki idmançısı təsnifat mərhələsində uğurlu çıxış etməklə finala yüksəlib. Mariya Nekrasova dayaqla tullanma, Murad Ağarzayev isə paralel qollarda hərəkətlər üzrə həlledici mərhələdə yarışmaq hüququ qazanıb.