Rövnəq Abdullayev: 2023-cü ilədək SOCAR Türkiyədə ikinci neft-kimya layihəsini reallaşdırmağı planlaşdırır
2023-cü ilədək SOCAR Türkiyədə dəyəri 3 milyard dollar olan ikinci neft-kimya layihəsini reallaşdırmağı planlaşdırır.
Movqe.az-ın məlumatına görə, bunu SOCAR-ın prezidenti Rövnəq Abdullayev "Anadolu" agentliyinə müsahibəsində deyib.
O qeyd edib ki, bu layihəyə "Star" Neft Emalı Zavodunun tikintisinin yekunlaşmasından sonra başlamaq nəzərdə tutulur:
"Bu gün SOCAR-ın Türkiyədəki investisiyaları təqribən 19,5 milyard dollara çatıb, onların bir qismi "Star" NEZ-ə yatırılıb".
R.Abdullayev əlavə edib ki, tikinti işləri artıq 90 faiz başa çatıb.
Trend
