2017-ci ilin sonuna qədər dövlət əmlakının özəlləşdirilməsindən Azərbaycanın dövlət büdcəsinə daxil olmalar 100 milyon manatı keçəcək. Movqe.az-ın məlumatına görə, bunu Əmlak Məsələləri Dövlət Komitəsinin sədri Kərəm Həsənov deyib.

Onun sözlərinə görə, ilin sonuna qədər təxminən 300 dövlət obyekti və müəssisəsinin özəlləşdirilməyə çıxarılması planlaşdırılır.

K.Həsənov qeyd edib ki, bu günə qədər özəlləşdirilməyə 1100-dən yuxarı dövlət obyekt və müəssisəsi çıxarılıb: "Ümumilikdə, özəlləşdirilmə nəticəsində dövlət büdcəsinə 93 milyon manat daxil olub".