Əlaqə Arxiv
news Image
2017.09.26
17:48
| A A A
SOCAR qazın maya dəyərinin artmasının SƏBƏBİNİ AÇIQLADI

2016-cı ildə SOCAR üzrə qazın hasilatına çəkilən xərclərlə yanaşı, Hasilatın Pay Bölgüsü Sazişinin şərtlərinə görə Əməliyyat Şirkətindən alınan qazın dəyəri, qazın emalı, saxlanması və nəqlinə çəkilən xərclər nəzərə alınmaqla 2016-cı ildə SOCAR üzrə satılan 1000 kubmetr qazın faktiki xərci 128,77 manat təşkil edib.

Movqe.az APA-ya istinadən xəbər verir ki, bu barədə SOCAR-ın 2016-cı il üzrə illik hesabatında deyilir.

Sənəddə vurğulanıb ki, qazın maya dəyərinin artması keçən ilə nisbətən əməkhaqqının, sosial sığorta xərclərinin, əsaslı təmir və texniki xidmət üzrə xərclərin, nəqliyyat xərclərinin, mühafizə xərcləri, digər vergilər, digər xidmətlər və digər xərclərin artması hesabına baş verib. Belə ki, əməkhaqqı xərcləri 1757 min manat (7,4%), sosial sığorta xərcləri 352 min manat (7,4%), əsaslı təmir və texniki xidmət üzrə xərclər 6733 min manat (153,5%), nəqliyyat xərcləri 3054 min manat (7,4%), mühafizə xərcləri 306 min manat (7,4%), digər vergilər 730 min manat (7,4%), digər xidmətlər üzrə xərclər 6075 min manat (120,0%) və digər xərclər 4118 min manat (77,5%) artıb.

Sizin Reklam Yeriniz