Əlaqə Arxiv
news Image
2017.10.09
13:27
| A A A
TANAP-ın tikintisi zamanı qədim məzarlar tapılıb, tikinti işləri dayandırılıb

Türkiyədə TANAP layihəsinin inşası zamanı qədim dövrlərə aid məzarlar tapılıb.
 
Movqe.az APA-ya istinadən xəbər verir ki, hadisə Kütahyanın Domaniç kəndinin ərazisində baş verib. Belə ki, tikinti zamanı aparılan qazıntı işləri çərçivəsində qədim Roma dövrünə aid məzarlar üzə çıxıb.
 
Tapıntılar Kütahya muzeyinə təhvil verilib.
 
TANAP rəsmiləri qazıntı işlərinin dayandırılması barədə qərar qəbul edib. Əvəzində arxeoloqlar qazıntılara başlayıblar.
 
Kütahya muzeyinin rəhbəri Metin Türktüzün bildirib ki, TANAP layihəsinin tikintisi çərçivəsində işlər olduqca ehtiyatlı şəkildə aparılır: “İndiyədək bu bölgədə bir çox bu cür tapıntılar üzə çıxıb. Arxeoloji qazıntılara rast gəlmə ehtimalı yüksək olduğuna görə, TANAP-ın tikintisi ehtiyatla aparılır”.

Sizin Reklam Yeriniz