news Image
2013.04.25
16:26
| A A A
İxrac Bülleteninin aprel sayı buraxılıb

Azərbaycanda İxracın və İnvestisiyaların Təşviqi Fondu (AZPROMO) tərəfindən iş adamlarının məlumatlandırılması məqsədi ilə hazırlanan İxrac Bülleteninin növbəti sayı buraxılıb. Mövqe.az-ın İqtisadi İnkişaf Nazirliyindən aldığı məlumata görə, bülletenin aprel sayında AZPROMO-nun iş adamlarına göstərdiyi ixrac xidmətlərinə, İsveçrə Konfederasiyasına, qablaşdırma və etiketlənməyə, Avropa Birliyinə ixraca, sərgilər və digər tədbirlərə dair məlumatlar verilib.


İxrac bülleteni İqtisadi İnkişaf Nazirliyinin www.economy.gov.az, AZPROMO-nun www.azpromo.az internet səhifələrində yerləşdirilib.


İxrac bülleteninin yerli şirkətlərə, beynəlxalq təşkilatlara və xarici ölkələrin Azərbaycandakı səfirliklərinə təqdim olunması nəzərdə tutulur. Bundan başqa, bülleten AZPROMO tərəfindən bu il ölkəmizdə təşkil ediləcək tədbirlərdə iş adamlarına paylanılacaq.