news Image
2013.08.19
13:08
| A A A
ARDNS və “Rosneft” danışıqlar aparır

Azərbaycan Dövlət Neft Şirkəti (ARDNŞ) və Rusiyanın "Rosneft" şirkəti Bakı-Novorossiysk neft kəməri ilə "Urals" markalı neftin geri nəqlinə dair danışıqlar aparır.


"APA-Economics"in məlumatına görə, bu barədə jurnalistlərə açıqlamasında ARDNŞ-in prezidenti Rövnəq Abdullayev bildirib.

 

Onun sözlərinə görə, ARDNŞ dünyanın bütün şirkətləri ilə tərəfdaşlıq edir, treydinq həyata keçirir: "Rosneft" də dünyanın tanınmış neft şirkətlərindən biridir. Bilirsiniz ki, "Rosneft" ildə 210 milyon ton neft istehsal edən şirkətdir. Bu gün iki şirkət arasında neftin mənfəətli satışında birgə treyder işlər aparılır. Bunun üçün həm regionda, həm Ceyhanda, həm də Uzaq Şərqdə infrastrukturlar işə salınacaq. Həmçinin ARDNŞ-in İsveçrədə, Afrikada və Ceyhanda olan imkanlardan bunun üçün istifadə edəcəyik. Bunun üçün proqramlar hazırlanır və danışıqlar aparılır".

 

ARDNŞ prezidenti bildirib ki, ilkin mərhələdə Bakı-Novorossiysk kəməri ilə 5 mln. ton həcmində Rusiya nefti vurulacaq: "Bununla bağlı dəqiq hesablamalar aparılır. Düşünürük ki, ilin sonuna qədər hər hansı razılıq əldə olunacaq. Hələlik bunun üzərində işlər gedir".

Avqust ayının ən yaxşı futbolçusu

RUSLAN ABIŞOV
43%
DMİTRİ BEZOTOSNI
31%
CERARD PROQNİ
5%
FİLİP OZOBİÇ
21%
1019 səs