news Image
2012.07.09
18:06
| A A A
Rusiyada saytların “qara siyahısı” yaradıla bilər

Movqe.Az xəbər verir ki, Rusiya Federasiyasının Dövlət Duması yayılması qadağan olan informasiyanı özündə birləşdirən domen və saytların vahid reyestrinin yaradılması haqqında qanun layihəsini ilk oxunuşda qəbul edib.

Qanun layihəsi hökumətin səlahiyyətli orqanı tərəfindən çıxışı Rusiya ərazisində qadağan olan saytların reyestrinin aparılmasını nəzərdə tutur. Reyestrə uşaq pornoqrafiyası, narkotik maddələrin təbliği, uşaqları özünəqəsdə sövq edən və s. saytlar daxil olacaq. Siyahıya həm orqan, həm də məhkəmə qərarı əsasında yeni saytlar əlavə oluna bilər.

"RİA Novosti"-nin məlumatına görə, siyahıya daxil edilməzdən əvvəl sayt sahibinin qeyri-qanuni kontentin aşkar edilməsi barədə xəbərdar edilməsi planlaşdırılır. Bir sutka ərzində sayt sahibi reaksiya verməsə və kontenti pozmasa, bunu hostinq-provayder etməli olacaq. Həm o tərəf, həm də bu tərəf bunu etməsə, bu halda sayt "qara siyahı"ya düşəcək.

Səlahiyyətli orqan internetdə müharibənin təbliğ edilməsi və ya millətlərarası ədavətin qızışdırılması kimi digər qeyri-qanuni kontenti də nəzarət altında saxlayacaq. Bu vəziyyətdə resurs reyestrə yalnız məhkəmənin qərarı əsasında daxil ediləcək. İnternet sahəsinin əksər iştirakçıları əvvəllər kontentin mümkün filtrdən keçirilməsi ilə bağlı narahatlıqlarını bildirərək ictimai müzakirənin və qanun layihəsinin tamamlanmasının zəruriliyini bəyan ediblər.

Avqust ayının ən yaxşı futbolçusu

RUSLAN ABIŞOV
43%
DMİTRİ BEZOTOSNI
31%
CERARD PROQNİ
5%
FİLİP OZOBİÇ
21%
1019 səs