news Image
2012.08.15
19:19
| A A A
Kənd təsərrüfatının ümumi məhsulu 6.8 faiz artıb

Aqrar bölmədə avqustun 1-nə kimi payızlıq və yazlıq dənli və dənli paxlalı bitkilərin əkin sahəsinin 97.8 faizi, yaxud 973.8 min hektarı biçilmiş və həmin sahələrdən 2564.7 min ton məhsul götürülüb. Lent.az-ın Dövlət Statistika Komitəsinin saytına istinadən verdiyi məlumata görə, orta hesabla hər hektardan əldə edilmiş məhsul 1.6 sentner artaraq 26.3 sentner təşkil edib. Bundan əlavə, məhsulu toplanmış 4.3 min hektar qarğıdalı sahəsindən 16.5 min ton məhsul götürülüb.

Yığım başlanandan sahələrdən 521.1 min ton və ya keçən ilin müvafiq dövründə olduğundan 18.1 min ton çox kartof, 713.5 min ton (4.0 min ton çox) tərəvəz, 162.7 min ton (18.0 min ton çox) meyvə və giləmeyvə, 295.3 min ton (12.7 min ton az) bostan məhsulları, 395.4 ton (57.3 ton çox) yaşıl çay yarpağı, 1.6 min ton, yaxud 401 ton çox tütün toplanıb.
Bu dövrdə 251.8 min ton, yaxud 2011-ci ilin yanvar-iyul aylarına nisbətən 3.5 faiz çox diri çəkidə ət, 1008.2 min ton (7.1 faiz çox) süd, 699.9 milyon ədəd (18.5 faiz cox) yumurta, 14.8 min ton (1.5 faiz çox) yun istehsal olunub.
Beləliklə, keçən illə müqayisədə bitkiçilik məhsulları istehsalı 7.7 faiz, heyvandarlıq məhsulları istehsalı 5.7 faiz, kənd təsərrüfatının ümumi məhsulu 6.8 faiz artıb.

Avqust ayının ən yaxşı futbolçusu

RUSLAN ABIŞOV
43%
DMİTRİ BEZOTOSNI
31%
CERARD PROQNİ
5%
FİLİP OZOBİÇ
21%
1019 səs