news Image
2012.08.16
12:29
| A A A
Dünya Bankının Azərbaycanda yeni meneceri təyin olunub
Dünya Bankı (DB) Azərbaycan üzrə yeni menecerini təyin edib. İlk dəfə olaraq bu vəzifəni qadın icra edəcək. DB-nın Azərbaycandakı nümayəndəliyindən "APA-ECONOMICS"ə verilən məlumata görə, bu vəzifəyə bundan öncə DB-nın Cənubi Qafqaz üzrə proqramın koordinatoru vəzifəsində çalışan Larisa Lesçenko təyin olunub: "Ukrayna vətəndaşı olan Lesçenkonun vəzifənin icrasına sentyabrın 1-dən etibarən başlayır. Lakin o, Azərbaycana oktyabr ayında gələcək və həmin ay yeni menecer Azərbaycan hökumətinə rəsmən təqdim olunacaq".
Qeyd edək ki, bundan öncə bu vəzifədə Cozef Ouen çalışıb və artıq cari ilin iyulun sonunda onun səlahiyyət müddəti bitib. Üç il bu vəzifədə çalışan C.Ouen fəaliyyətini DB-nin Vaşinqtonda yerləşən baş ofisində davam etdirir. "DB-nın siyasətinə görə, bu vəzifəyə 3 il müddətinə təyinat olur və bu müddət başa çatdıqdan sonra həmin şəxsin səlahiyyət müddəti daha 1 il artırıla bilər. C.Ouendən öncə bu vəzifədə çalışan Qreqori Yedjeyçak məhz 4 il Azərbaycanda fəaliyyət göstərib.
 

Avqust ayının ən yaxşı futbolçusu

RUSLAN ABIŞOV
43%
DMİTRİ BEZOTOSNI
31%
CERARD PROQNİ
5%
FİLİP OZOBİÇ
21%
1019 səs