"Ölkədə deflyasiya müşahidə olunmaqdadır"
Dövlət Statistika Komitəsi ölkədə beş ay ardıcıl olaraq qiymətlərin ucuzlaşması, yəni deflyasiya müşahidə olunduğunu açıqlayıb.
Lent.az-ın Dövlət Statistika Komitəsinin
rəsmi saytına istinadən verdiyi məlumata görə, avqust ayında iyul
ayı ilə müqayisədə istehlak mallarının qiymətləri və xidmət
tarifləri 0,5 faiz, o cümlədən ərzaq məhsullarının qiymətləri 0,8
faiz, xidmət tarifləri 0,3 faiz ucuzlaşıb.
Qeyri-ərzaq mallarının qiymətləri iyul ayının səviyyəsində qalıb.
Eyni zamanda qiymət və tariflər səkkiz ay ərzində keçən ilin
müvafiq dövrü ilə müqayisədə 1,7 faiz, o cümlədən ərzaq
məhsullarının qiymətləri 1,9 faiz, qeyri-ərzaq mallarının
qiymətləri 1,3 faiz, xidmət tarifləri 1,5 faiz
bahalaşıb.