news Image
2012.10.03
10:29
| A A A
Azərbaycan Mərkəzi Bankının valyuta ehtiyatları sentyabrda 2% artıb
Azərbaycan Mərkəzi Bankının (AMB) sərəncamında olan rəsmi valyuta ehtiyatlarının həcmi 2012-ci il oktyabrın 1-nə 11 506,5 mln. dollar təşkil edib ki, bu da ötən ilin oktyabrın 1-nə nisbətən 4 563,2 mln. dollar və ya 65,7% çoxdur.

Azərbaycan Mərkəzi Bankından "APA-ECONOMICS"ə verilən məlumata görə, sentyabr ayında AMB-nin rəsmi valyuta ehtiyatları 227,2 mln. dollar və ya 2,0% artıb:

 

Cədvəldən göründüyü kimi, 2010-2011-ci illərdən fərqli olaraq bu il ərzində valyuta ehtiyatları üzrə artım dinamikası kəskin deyil. 
Ümumilikdə, ilin əvvəlindən artım 1 025,0 mln. manat və ya 9,8% təşkil edib. Müqayisə üçün bildirək ki, 2010-cu ildə artım 1 245,9 mln. manat və ya 24,1%, 2011-ci ildə isə 4 073,9 mln. manat və ya 63,6% təşkil edib. Lakin qeyd olunmalıdır ki, təkcə ötən ilin dekabrında valyuta ehtiyatları birdən birə 3,454 mlrd. dollar və ya 49,2% artıb, bu da Mərkəzi Bank tərəfindən dekabrda bazarda iri həcmdə valyuta kütləsi alması ilə bağlı olub.