news Image
2016.06.16
10:50
| A A A
Azərbaycanda dollarlaşma 80%-i keçib
Kreditlərin tərkibində dollarlaşma tədricən azalır

Azərbaycanda əhalinin əmanətlərinin strukturuna görə dollarlaşma dərəcəsi may ayının 1-nə 81,7% təşkil edib. Keçən ay bu göstərici 80,8% olub. İlin əvvəli əmanətlərdə dollarlaşma 85%, keçən ilin analoji dövründə isə 70,9% təşkil edib.

Movqe.az-ın məlumatına görə, cəmi depozit bazasında may ayının 1-nə dollarlaşma dərəcəsi 80,8% olub. Keçən ay bu göstərici 81% ,ilin əvvəli 81,6% təşkil edib. Keçən ilin analoji dövrü isə 73,4% olub.

Kreditlərin strukturunda may ayının 1-nə dollarlaşma dərəcəsi 48,2% təşkil edib. Aprelin 1-nə bu göstərici 49%, ilin əvvəli isə 49,4% olub. Keçən ilin analoji dövründə kreditləşmədə dollarlaşma dərəcəsi 41,6% təşkil edib.

Ümumiyyətlə, kreditlərin strukturunda dollarlaşma dərəcəsinin keçən ilin analoji dövrü ilə müqayisədə artması devalvasiya nəticəsində xarici valyutada kreditlərin dəyərinin manat ekvivalentində artması ilə izah olunur. İlin əvvəli ilə müqayisədə isə dollarlaşmanın tədricən azalması "üzən məzənnə" səbəbindən xarici valyutada kreditlərin mümkün qədər tez bağlanması istəyindən irəli gəlir.


Avqust ayının ən yaxşı futbolçusu

RUSLAN ABIŞOV
43%
DMİTRİ BEZOTOSNI
31%
CERARD PROQNİ
5%
FİLİP OZOBİÇ
21%
1019 səs