news Image
2017.05.04
16:40
| A A A
Həbsxanada dini mübahisə zəminində dustağa xəsarət yetirən şəxsə hökm oxunub

Bakı Ağır Cinayətlər Məhkəməsində cəzaçəkmə müəssisəsində qaydaları pozmaqda, dustaq yoldaşına xəsarət yetirməkdə Səbuhi Süleymanovun cinayət işi üzrə məhkəmə prosesi başa çatıb.

 
APA-nın xəbərinə görə, hakim Fikrət Qəribovun sədrliyi ilə keçirilən prosesdə hökm oxunub. Hökmə əsasən, S. Süleymanov 1 il müddətinə azadlıqdan məhrum edilib.
 
Qeyd edək ki, keçən il oktyabr 19-da Ədliyyə Nazirliyinin Penitensiar Xidmətin 17 saylı cəzaçəkmə müəssisəsində cəza çəkən Səbuhi Süleymanov dustaq yoldaşı Cəlal Mikayılovu dini münaqişə zəmində mübahisə edərək yumruqla vurub. Faktla bağlı araşdırma aparılıb. S. Süleymanova Cinayət Məcəlləsinin 317.2-ci (Cəzaçəkmə müəssisəsinin və ya istintaq təcridxanasının əməkdaşını, habelə məhkumu onun islah olunmasına mane olmaq və ya ictimai vəzifələrini yerinə yetirməsinə görə ondan intiqam almaq məqsədi ilə zor tətbiq etməklə hədələmə, onların həyat və sağlamlığı üçün təhlükəli olmayan zor tətbiq etmə) maddəsi ilə ittiham verilib.

Avqust ayının ən yaxşı futbolçusu

RUSLAN ABIŞOV
43%
DMİTRİ BEZOTOSNI
31%
CERARD PROQNİ
5%
FİLİP OZOBİÇ
21%
1019 səs