ANS Şirkətlər Qrupunun vitse-prezidenti Mirşahin Ağayevin qardaşı, dələduzluqda təqsirləndirilən Mirəddin Ağayevin barəsindəki hökmdən verilən apellyasiya şikayəti üzrə məhkəmə yeklunlaşıb.

Movqe.az-ın verdiyi xəbərə görə, Bakı Apellyasiya Məhkəməsinin hakimi Elşad Şamayevin icraatıda olan prosesdə elan edilən qərara əsasən M.Ağayevin şikayəti təmin edilməyib və o, həbsdə saxlanılıb.

İttihama görə, M.Ağayev vətəndaş Qəzənfər Qəzənfərovdan 2 min manat alıb qaytarmadığı üçün həbs edilib. İstintaq zamanı müəyyən edilib ki, o, 4 nəfərdən 86 min manat alaraq dələduzluq edib. 

Bakı Ağır Cinayətlər Məhkəməsinin hökmü ilə M.Ağayev 3 il müddətinə azadlıqdan məhrum edilib.

O, hökmdən şikayət verərək ona şərti cəza verilməsini və azadlığa buraxılmasını istəyib.