Ağdaşda silahlı insident: 2 nəfər ağır xəsarət alıb
Ağdaş rayonu ərazisində silahlı insident qeydə alınıb, xəsarət alanlar var.
Rayon Polis Şöbəsindən Movqe.az-a verilən məlumata görə hadisə
dünən axşam saat 20:00 radələrində Ağdaşın Ləki qəsəbəsində qeydə
alınıb. Ləki restoranında yeyib-içən Göyçay şəhər sakini, 1969-cu
il təvəllüdlü Qasımov Etibar Mövsüm
oğlu və Ağdaş rayonunun Şəkili kənd sakini 1967-ci il
təvəllüdlü Həsənov Şöhrət Əli
oğlu arasında şəxsi münasibətlər zəminində dava baş
verib. Münaqişə zamanı Etibar Qasımov stolun üzərindəki şüşə qabı
Şöhrət Həsənovun başına çırpıb, Ş.Həsənov isə üzərində gəzdirdiyi
travmatik tapança ilə Etibar Qasımovu güllələyib. Hadisə
nəticəsində hər iki şəxs ağır vəziyyətdə Ağdaş Rayon Mərkəzi
Xəstəxanasına yerləşdirilib.
Faktla bağlı Ağdaş Rayon Prokurorluğu tərəfindən cinayət işi açılıb, araşdırma aparılır.
Məlumata görə hər iki şəxs uzun illərdir ki, Rusiyada ticarətlə məşğul olurlar.
Faktla bağlı Ağdaş Rayon Prokurorluğu tərəfindən cinayət işi açılıb, araşdırma aparılır.
Məlumata görə hər iki şəxs uzun illərdir ki, Rusiyada ticarətlə məşğul olurlar.