Türkiyənin Bursa şəhərində Müslüm Gürsəsin "İtirazım var" mahnısını yüksək səslə ard-arda bir neçə dəfə dinləyən lisey şagirdi, 5-ci mərtəbədəki evlərinin pəncərəsindən özünü ataraq intihar edib.

Movqe.az Milli.Az-a istinadən xəbər verir ki, Kemal K. (17) bu gün səhər saatlarında canına qəsd edib.

Valideynləri illər öncə boşanan və nənəsi Nazmiye Ö. ilə birlikdə yaşayan Kemal K. mahnı səslənərkən bu addımı atıb.

Nazmiye Ö. nəvəsinin otağına girəndə onun içəridə olmadığını görüncə, açıq olan pəncərəyə yaxınlaşıb. Kemal K.-nin yerdə hərəkətsiz halda uzanıqlı olduğunu görən nənə fəryad qoparıb. Onun səsinə çıxan qonşular Kemalın intihar etdiyini görüblər.