Əlaqə Arxiv
news Image
2019.04.19
17:50
| A A A
DİN meyiti tapılan qadınla bağlı əhaliyə müraciət etdi

Daxili İşlər Nazirliyi Bakıda meyiti tapılan qadınla bağlı məlumat yayıb.

Movqe.az-a daxil olan məlumatda bildirilir ki, aprelin 17-si Xəzər rayonu, Mərdəkan qəsəbəsi ərazisində dənizdən üzərində zorakılıq əlamətləri olmayan 25-35 yaşlarında naməlum qadın meyiti tapılıb.

Meyitin xarakterik əlamətləri: boyu 159-santimetr, orta bədən quruluşlu, saçlarının rəngi qaradır. Ağız boşluğunda alt və üst çənəsinin hər birində 4 ədəd sarı metaldan hazırlanan dişləri var. Meyit tapılan zaman əynində idman üslübunda tikilən qara şalvar, qara uzunboğaz yün köynək, ayağında qırmızı rəngli ayaqqabı olub.

Şəxsiyyəti məlum olmayan şəkildə gördüyünüz qadını tanıyanlardan və barəsində məlumatı olanlardan DİN-in “102” Zəng Mərkəzinə, Nəqliyyatda Baş Polis İdarəsi Su Nəqliyyatında Polis İdarəsinə (012) 433-38-02, (012) 433-38-12, həmçinin 050-200-58-08 telefon nömrələrinə zəng vuraraq məlumat vermələri xahiş olunur.

Qeyd edək ki, faktla bağlı artıq Xəzər rayon Prokurorluğunda cinayət işi açılıb, araşdırma aparılır.

Sizin Reklam Yeriniz