ATV-nin ən çox izlənilən proqramı "Müge Anlı ilə Tatlı Sert"də bir aydır yoxa çıxan Turqut Özyürekin öldürüldüyü üzə çıxıb.

Mövqe.az Haberler-ə istinadən xəbər verir ki, 58 yaşlı kişini arvadı Necla Özyürekin eşq yaşadığı Hayrettin Atasoyun öldürdüyü məlum olub. 

Dünən verilişin canlı yayımı zamanı Turgut Özyüreki öldürdüyünü etiraf edən Hayrettin Atasoy onu meşəlikdə başından vuraraq öldürdüyünü və basdırmadığını deyib. Polislər deyilən əraziyə baxış zamanı cəsədi qorxunc halda tapıblar. Mərhumun kəllə və sümükləri aşkar edilib.

Saxlanılan Hayrettin Atasoy cinayəti törətməsi səbəbindən danışıb:

"Mən Neclaya aşiq olduğum üçün onu öldürdüm. Necla mənə "Mən boşanmaq istəyirəm, amma bu adam məndən boşanmır. Ən yaxşısı sən bunu öldür birlikdə olaq" dedi. Mən də öldürdüm."