Mövqe.Az-ın verdiyi xəbərə görə, hadisə Amerika Birləşmiş Ştatlarında baş verib.

Derek Medina arvadı Cenniferlə və qızı ilə yeməyə çıxıb. Çəkdirdikləri fotonu Facebook sosial şəbəkəsində paylaşan Derek bir qədər sonra xanımı ilə dava edib. Cennifer ona yumruq atıb.

Əsəbiləşən ər silahdan atəş açaraq, arvadını qətlə yetirib. Daha sonra isə qadının elə qanlar içində olan şəklini çəkərək, sosial şəbəkədə paylaşıb. Polisə təslim olan 31 yaşlı cani fotonun altında isə bu sözləri yazıb: "Arvadımı öldürmüşəm, buna görə də mənə ya həbs, ya da edam cəzası verəcəklər. Hamınız üçün çox darıxacağam. Mənə xəbərlərdə baxarsınız".