Əlaqə Arxiv
news Image
2014.06.02
13:10
| A A A
Bakıda qaynata gəlini, gəlin də qaynatanı bıçaqladı
Rüstəmovlar ailəsi ev bölgüsü üstündə qan tökülüb

Ötən gün Bakının Qaradağ rayonu ərazisində ailə cinayəti baş verib. 


Anspress-in hüquq-mühafizə orqanlarından aldığı məlumata görə, saat 13:00 radələrində Sahil qəsəbəsi, Zahid Qasımov küçəsində yaşayan Rüstəmovlar ailəsi ev bölgüsü üstündə bir-birinin qanını töküb.


Hadisə qaynata, 76 yaşlı Mehdi Heydər oğlu Rüstəmov ilə gəlini 32 yaşlı Cəmilə Rüstəmova ilə mübahisə zamanı yaranıb. 


Belə ki, Cəmilə Rüstəmova şikayətində bildirib ki, qaynatası tərəfindən bıçaqlanıb. Gəlin onu da əlavə edib ki, evdə onu yola vermirlər. Baldızı, qaynı və qaynatası mütəmadi olaraq onu döyür. Mehdi Rüstəmov isə gəlininin yalan danışdığını deyib.


Qaynata əlavə edib ki, mübahisə zamanı gəlin əlinə bıçaq götürərək onun üstünə hücum çəkib. Bu zaman onun barmağı kəsilib. Gəlinin əlindən bıçağı almaq istəyən zaman isə gəlinin qolu sıyrılıb.


Məsələ ilə bağlı rayon prokurorluğu ilə əlaqə saxladıq. Müstəntiq Anar Şahverdiyev ANS PRESS-ə açıqlamasında bildirdi ki, Rüstəmovlar ailəsindəki problem 4 ildən çoxdur davam edir. Narazılıq isə ailədə ev bölgüsü üstündədir. Bu səbəbdən həmin ailədə demək olar ki, hər gün insident baş verir.


"Hələlik nə gəlinin, nə də qaynatanın bıçaqlanma iddiası öz təsdiqini tapmayıb. Hazırda məsələni araşdırırıq", - deyə Anar Şahverdiyev bildirib.

Sizin Reklam Yeriniz