“Mitsubishi” və “Kia” markalı 2 minik avtomobili toqquşub
Movqe.Az Fövqəladə Hallar Nazirliyinin
məlumatına istinadən xəbər verir ki, Ağcabədi rayonu ərazisində "Mitsubishi" və "Kia" markalı 2
minik avtomobili toqquşmuşdur. Dərhal Fövqəladə Hallar Nazirliyinin
müvafiq xilasetmə qüvvələri hadisə yerinə cəlb olunmuşlar. Hadisə
yerində əməliyyat şəraiti qiymətləndirilərkən məlum olmuşdur ki,
"Kia" markalı avtomobilin sürücüsü və "Mitsubishi" markalı
avtomobildə olan 2 nəfər yaralanmış və deformasiyaya uğramış
nəqliyyat vasitələrində sıxılmış vəziyyətdə qalmışlar.
Yanğınsöndürən-xilasedicilər təhlükəsizlik qaydalarına riayət
etməklə xüsusi alət və avadanlıqlar vasitəsilə yaralıları
avtomobillərdən çıxarmış və aidiyyəti üzrə təhvil vermişlər.