news Image
2012.07.19
14:49
| A A A
Fövqəladə Hallar Nazirliyi və Dövlət Sərhəd Xidməti “N” saylı hərbi hissənin anbarında baş verən yanğınla əlaqədar birgə məlumat yayıb Bu gün saat 07.00 radələrində DSX-nin Səngəçal qəsəbəsində yerləşən "N" saylı hərbi hissənin anbarında yanğın olub. 

Dövlət Sərhəd Xidməti (DSX) və Fövqəladə Hallar Nazirliyi (FHN) Bakıda Sərhəd Qoşunlarına məxsus "N" saylı hərbi hissədə baş verən yanğınla bağlı birgə məlumat yayıb.APA-ya daxil olan birgə məlumatda bildirilir ki, bu gün saat 07.00 radələrində baş verən yanğınla əlaqədar baş nazirin müavini Yaqub Eyyubov, fövqəladə hallar naziri Kəmaləddin Heydərov, DSX-nin rəisi Elçin Quliyev və respublika hərbi prokuroru Xanlar Vəliyev hadisə yerinə gəliblər. 

Yanğının söndürülməsi üçün dərhal hadisə yerinə gələn FHN-nin xüsusi dəstələri və texnikası, həmçinin aviatexnikası tərəfindən görülmüş tədbirlər nəticəsində yanğının yayılmasının qarşısı alınıb və az müddətdən sonra yanğın tam söndürülüb. 

Hazırda baş vermiş hadisə ilə əlaqədar FHN, DSX və Hərbi Prokurorluq tərəfindən araşdırma aparılır.
 

Avqust ayının ən yaxşı futbolçusu

RUSLAN ABIŞOV
43%
DMİTRİ BEZOTOSNI
31%
CERARD PROQNİ
5%
FİLİP OZOBİÇ
21%
1019 səs