Mübahisəli sərhəd rayonlarında Sudan və Cənubi Sudan arasında
gedən mübarizənin ikinci günündə beynəlxalq problemlər oyanıb və bu
da konfliktin açıq müharibəyə qədər inkişaf etməsinə səbəb
ola bilər.
Afrika İttifaqı, bu neft yataqları üzərində gedən toqquşmaların
getdikcə gücləndiyini bildirib və hər iki tərəfi təmkinli
olmağa çağırıb.
Sudan Cənubi Sudan ilə danışıqlardan çıxıb. Mübarizə keçən il iyul
ayından bəri daha da pisləşib. Beynəlxalq səviyyədə Sudan ərazisi
kimi tanınan Heqliq şəhəri Cənubi Sudan tərəfindən tutulub. Sudan
Birləşmiş Millətlər Təşkilatına və Cənubi Sudanın "təcavüzü"
haqqında Afrika İttifaqına şikayət edib. Xartumda insanların
"həyəcan və səfərbərliyi"nə görə parlament çağırılıb.
Cənubi Sudanın Prezident Salva Kiir ilə danışıqlardan sonra
BMT-nin Baş Katibi Ban Ki-mun bildirib ki, o, inam yaratmaq
və problemi yalnız danışıqlar vasitəsilə həll etməyi təsdiqləmək
üçün iki ölkə arasında bilavasitə sammit təklif edib.
BMT Təhlükəsizlik Şurası üzvləri və Afrika İttifaqı cənub
qüvvələrinin dərhal neft yataqlarından geri çəkilməsini tələb
ediblər. ABŞ Cənubi Sudanı Heqliqi zəbt etdiyinə görə ittiham edib
və bildirib ki, bu hərəkətlə aradakı gərginlik və təhlükəni artıran
Cənubi sudan olub.
Ziba Yusifova