news Image
2016.05.01
13:15
| A A A
Türkiyədə bomba yüklü avtomobilə törədilən partlayış nəticəsində 2 polis şəhid olub, 22 nəfər yaralanıb - YENİLƏNİB

Bu gün səhər saatlarında Türkiyənin Gaziantep şəhərində bomba yüklü avtomobilə törədilən partlayış nəticəsində  ölən və yaralananlarla bağlı son statistika açıqlanıb.

 

Movqe.az-ın "Hürriyet" qəzetinə istinadən verdiyi məlumata görə, Gaziantep Valiliyi partlayış nəticəsinə 2 polisin şəhid olduğunu açıqlayıb.

 

Yaralıların sayı isə 22 nəfərdir. Yaralıların 18-i polis əməkdaşı, 4-ü mülki şəxsdir. Yaralı polislərdən 3-nün durumu ağırdır.

 

Terror aktının 1-i canlı bomba olmaqla, 3 İŞİD terrorçusu tərəfindən həyata keçirildiyi iddia olunur. Canlı bombanın bomba yüklü avtomobili partlatdığı, digər 2 terrorçunun polislərə atəş açdıqdan sonra avtomobillə hadisə yerindən qaçdığı bildirilir.

***

saat 11.14

 

Bu gün Türkiyənin Gaziantep şəhərində bomba yüklü avtomobilə törədilən partlayış nəticəsində ölən və yaralananların sayı açıqlanıb.

 

Movqe.az-ın Türkiyənin NTV telekanalına istinadən verdiyi məlumata görə, Gaziantep Valiliyi partlayış nəticəsinə 1 polisin şəhid olduğu, 9-u polis, 13 nəfərin yaralandığını açıqlayıb. 

Partlayışdan sonra atəş səsləri eşidilib. Polis partlayışdan sonra şüşələri sınmış ağ rəngli bir avtomobili axtarır.

***

saat 10.59

 Bu gün Türkiyədə bomba yüklü avtomobilə partlayış törədilib.

 

Movqe.az-ın Türkiyənin NTV telekanalına istinadən verdiyi məlumata görə, partlayış Gaziantep Polis İdarəsinin binası qarşısında törədilib.

 

Polis idarəsindən 100 metr məsafədə törədilən şiddətli partlayış nəticəsində ətrafdakı binaların pəncərələrinin şüşələri sınıb. Partlayış baş verən əraziyə çoxlu sayda təcildi tibbi yardım maşınları göndərilib. İlkin məlumatlara görə 6-ı polis əməkdaşı olmaqla, 6 yaralı var. 

Avqust ayının ən yaxşı futbolçusu

RUSLAN ABIŞOV
43%
DMİTRİ BEZOTOSNI
31%
CERARD PROQNİ
5%
FİLİP OZOBİÇ
21%
1019 səs