Türkiyə Silahlı Qüvvələri avqust ayından 1172 İŞİD üzvünü məhv edib
Türkiyə Silahlı Qüvvələri avqust ayından bu günə kimi "İslam dövləti" terror qruplaşmasının (İŞİD) 1172 üzvünü məhv etdiyini bildirib.
Movqe.az-ın Haber 7 qəzetinə istinadən verdiyi məlumata əsasən, ümumilikdə türk ordusu İŞİD-in 2144 mövqeyinə zərbələr endirib.
Ölən 1172 terrorçudan 807-si Suriyada zərbələr zamanı, 365-i isə İraqın şimalında məhv edilib.
Dünən Türkiyə Silahlı Qüvvələrinin İŞİD-in Suriyadakı mövqelərinə endirdiyi zərbələr nəticəsində 20 terrorçu məhv edilib. Zərbələr Türkiyənin Kilis vilayətinin hücuma məruz qalmasından sonra cavab olaraq endirilib.