Warning: opendir(/home/movqe/www/cache/): failed to open dir: No such file or directory in /usr/local/lib/php/Cache/Lite.php on line 632
Baş həkimin müavini: Yaralananların dediyinə görə, Xızıdakı qəza zamanı sürücü içkili olmayıb
 
 
news Image
2016.06.01
14:00
| A A A
Baş həkimin müavini: Yaralananların dediyinə görə, Xızıdakı qəza zamanı sürücü içkili olmayıb

"Xızıda qəzanın baş verdiyi avtobusda sürücünün yanında oturan müşayiətçinin və digər yaralanan şəxslərin dediyinə görə, sürücü qəza zamanı içkili olmayıb. Qəzanın maşında əyləcin nasaz olması nəticəsində baş verdiyi bildirilir".


Movqe.az xəbər verir ki, bunu Trend-ə Sumqayıt Şəhər Təcili Tibbi Yardım Xəstəxanasının baş həkiminin müavini Elçin Quliyev deyib.


Onun sözlərinə görə, hazırda xəstəxanada qəza nəticəsində yaralnmış 13 xəstə müalicə edilir. Onlardan birinin vəziyyəti - Sumqayıt Dövlət Texniki Kollecinin müəllimi, 1953-cü il təvəllüdlü Talıbov Vaqif İlyas oğlunun vəziyyəti daha ağırdır. Həmin şəxs komadan qismən ayılıb.


Baş həkimin müavini deyib ki, xəstəxanada müalicə olunan xəstələrdən 3-nün vəziyyəti orta ağır, qalanlarının vəziyyəti isə kafidir. Avtobusun sürücüsü 1982-ci il təvəllüdlü Şirinov Zaur Hurquz oğlunun da vəziyyəti orta ağırdır. O, hazırda neyrocərrahiyyə şöbəsində müalicə olunur.


Xatırladaq ki, mayın 30-da Xızı rayonuna istirahət etməyə gedən Sumqayıt Dövlət Texniki Kollecinin kollektivinin olduğu avtobus dərədən aşıb. Nəticədə 3 nəfər dünyasını dəyişib, 24 nəfər yaralanıb.


Avtoqəza ilə bağlı Xızı Rayon Prokurorluğunda Cinayət Məcəlləsinin 263.3 (iki və daha artıq şəxsin ölümünə səbəb olmaqla yol-nəqliyyat hadisəsi) maddəsi ilə cinayət işi başlanıb.

Avqust ayının ən yaxşı futbolçusu

RUSLAN ABIŞOV
43%
DMİTRİ BEZOTOSNI
31%
CERARD PROQNİ
5%
FİLİP OZOBİÇ
21%
1019 səs