Maskalı basqınçılar tutuldu
Şirvan şəhərində yanacaqdoldurma məntəqəsinə basqın edən maskalı şəxs tutulub. Şirvan şəhər Polis İdarəsindən verilən məlumata görə, hadisə şəhərin 1 May küçəsində yerləşən yanacaqdoldurma məntəqəsində qeydə alınıb. Yanacaqdoldurma məntəqəsinə gələn maskalı şəxs, orada operator işləyən Elvin Əhmədovu döyərək kassadakı 500 manatı götürüb, hadisə yerini tərk edib. Həyata keçirilən əməliyyat-axtarış tədbirləri ilə quldurluq əməlini törədən Sabirabad rayon sakini, əvvəllər məhkum olunmuş, 1983-cü il təvəllüdlü Mahir İmanov tutulub. Araşdırma zamanı onun daha bir neçə cinayəti orta çıxıb.