news Image
2016.06.23
10:10
| A A A
Azərbaycanlı iş adamının evinə hücum edilib

Ukraynada bir müddət öncə oğlu oğurlanmış azərbaycanlı iş adamının Donetskdəki evinə separatçılar hücum edib. Ukrayna Azərbaycanlıları Konqresinin Donetsk vilayəti üzrə keçmiş sədri, hazırda biznes fəaliyyəti ilə məşğul olan iş adamı Malik Pirverdiyevin evinə və obyektlərinə silahlılar tərəfindən hücum edilib.

Ukraynadakı mənbənin saytımıza verdiyi məlumata görə, iş adamının Donetskdəki mülkü separatçılar tərəfindən dağıdılıb.

Hadisə ilə bağlı əlaqə saxladığımız Ukraynadakı Azərbaycan diasporunun nümayəndələri də məlumatı təsdiqləyiblər.

Azərbaycanın Ukraynadakı Səfirliyinin konsulluq şöbəsindən də məlumatı təsdiq ediblər.

Konsulluq şöbəsindən Modern.az-a bildirilib ki, Donetskdə hadisə baş verən yerə səfirliyin əməkdaşı da gedib və olayla bağlı araşdırma aparılır.

Yerli hüquq-mühafizə orqanları tərəfindən də araşdırmalar aparılır.

Qeyd edək ki, Ukraynada nüfuzlu iş adamı kimi tanınan Malik Pirvediyev sərvətinə görə dəfələrlə separatçılar tərəfindən hədələndiyi üçün ailəsi ilə birgə bir müddət əvvəl Donetskdən Kiyevə köçüb.

Xatırladaq ki, Malik Pirverdiyevin oğlu, Ukrayna Azərbaycanlı Gənclər Birliyinin Donetsk Vilayət təşkilatının sədri Cəlal Pirverdiyev ötən il naməlum şəxslər tərəfindən oğurlanaraq, 10 aya yaxın girov saxlanılıb və sonda 300 min dollar müqabilində azadlığa buraxılıb.

Avqust ayının ən yaxşı futbolçusu

RUSLAN ABIŞOV
43%
DMİTRİ BEZOTOSNI
31%
CERARD PROQNİ
5%
FİLİP OZOBİÇ
21%
1019 səs